FOYDALANUVCHILIK KELISHUVI
(OFERTA)

  • 1. Asosiy terminlar
  • 2. Foydalanuvchi kelishuvining mavzusi
  • 3. Saytda ro‘yxatdan o‘tish va xavfsizlik
  • 4. Intellektual mulk va mualliflik huquqi
  • 5. Ishonchli vakilning huquqlari va majburiyatlari
  • 6. Foydalanuvchining huquqlari va majburiyatlari
  • 7. Sotuvchining huquqlari va majburiyatlari
  • 8. Buyurtmani rasmiylashtirish va bajarish tartibi
  • 9. Tovarlar va Tovarlarni yetkazib berish Xizmatlarining to‘lovlarini amalga oshirish qoidalari
  • 10. Javobgarlik.Javobgarlikni cheklash
  • 11. Maxfiylik
  • 12. Kafolatlar va cheklovlar
  • 13. Boshqa qoidalar

1. Asosiy terminlar

1.1. Foydalanuvchilik kelishuvining (ofertaning) aksepti - Foydalanuvchi saytda ro‘yxatdan o‘tgan va Foydalanuvchi tegishli maydonga o‘zi mazkur Ofertaning shartlarini o‘qiganligi va Ofertada bayon qilingan shartlarda Saytdan foydalanish va Ofertada taklif qilingan shartlarda yuqoridagi shartnomalarni tuzish uchun to‘liq va shartsiz roziligini bildiradigan tasdiqlovchi belgi qo‘ygan paytdan boshlab, Oferta Foydalanuvchi tomonidan akseptlangan va Tovarlarning oldi-sotdi chakana savdosi Shartnomasi va Tovarlarni yetkazib berish bo‘yicha xizmatlarni ko‘rsatish to‘g‘risidagi Shartnoma qabul qilingan deb hisoblanadi.

1.2. Buyurtma - Foydalanuvchining tegishli tartibda rasmiylashtirilgan va Saytda joylashtirilgan Tovarlarni sotib olishga va yetkazib berishga buyurtmasi.

1.3. Qonunchilik - O‘zbekiston Respublikasining amaldagi qonunchiligi.

1.4. Tovarlarning oldi-sotdi shartnomasi - Foydalanuvchi tomonidan mazkur Oferta shartlarini akseptlash yo‘li bilan va uning nomidan va uning topshirig‘i bo‘yicha Ishonchli Vakil harakat qiladigan, Tovarlar oldi-sotdi chakana savdosi bo‘yicha Foydalanuvchi va Sotuvchi o‘rtasida Sayt orqali tuzilgan elektron shartnoma.

1.5. Tovarlarni yetkazib berish bo‘yicha xizmatlarni ko‘rsatishga Shartnoma - Foydalanuvchi tomonidan mazkur Oferta shartlarini akseptlash yo‘li bilan Foydalanuvchi va yetkazib berish Xizmati o‘rtasida Tovarlarni yetkazib berish xizmatlarini yoki "O‘zi olib ketish" xizmatini ko‘rsatishga Sayt orqali tuziladigan elektron shartnoma.

1.6. Oferta/Foydalanuvchilik kelishuvi - Saytda joylashtirilgan, Tovarlarni oldi-sotdi Shartnomasining va Tovarlarni yetkazib berish xizmatlarini ko‘rsatish bo‘yicha Shartnomaning barcha muhim shartlarini, shuningdek Saytdan foydalanish shartlarini o‘z ichiga olgan va birlashtirgan, shaxslarning noma’lum doirasiga qaratilgan ommaviy taklif.

1.7. Yetkazib berish Oralig‘i - yetkazib berish Xizmati Foydalanuvchiga Tovarlarni yetkazib berish bo‘yicha Xizmatni taqdim etishni o‘z zimmasiga olgan vaqt oralig‘i.

1.8. Foydalanuvchi - 18 yoshga to‘lgan, to‘liq fuqarolik va muomala layoqatiga ega bo‘lgan, mazkur Oferta shartlarini akseptlash yo‘li bilan Saytda ro‘yxatdan o‘tgan va Sayt orqali Sotuvchi bilan Tovarlarni oldi-sotdisi bo‘yicha Shartnoma va yetkazib berish Xizmati bilan yetkazib berish Xizmatlarini ko‘rsatishga Shartnoma tuzgan jismoniy shaxs.

1.9. Sotuvchi – mazkur Oferta shartlari asosida Saytda ko‘rsatilgan Tovarlarni sotishni amalga oshiradigan yuridik shaxs "DARVOZA SAVDO" MCHJ ("MAKRO" supermarketlar tarmog‘i), Qonunchilikka muvofiq ro‘yxatdan o‘tgan, joylashgan joyi: Toshkent sh. Furqat ko‘chasi, 191, elektron pochta manzili: makro@zakaz.uz.

1.10. Ishonchli vakil/Yetkazib berish xizmati - yuridik shaxs "ZAKAZ DELIVERY" MCHJ CHEK, Qonunchilikka muvofiq ro‘yxatdan o‘tgan, joylashgan joyi: Toshkent shahri, Mirobod tumani, Chimkent ko‘chasi, 15-26 uy, elektron pochta manzili: support@zakaz.uz, bank rekvizitlari: h/r 20214000505200779002 “Ipak Yo‘li” AIKBning Mirobod filialida, MFO 01101, Sotuvchining nomidan va Sotuvchining topshirig‘iga ko‘ra Saytda Sotuvchining Tovarlarining oldi-sotdi Shartnomasini tuzish bo‘yicha takliflarini joylashtiradi, shuningdek Sotuvchi Tovarlarini yetkazib berish xizmatlarini ko‘rsatadi. Ishonchli vakil elektron tijorat qonunchiligiga ko‘ra elektron savdoda vositachi hisoblanadi.

1.11. Sayt /Servis - bu Foydalanuvchilarga Internet tarmog‘i orqali real vaqt tartibida tezkor va oson qidiruvni amalga oshirish va Tovarlarni xarid qilish va yetkazib berishga buyurtmani rasmiylashtirish uchun keng imkoniyatlar taqdim etadigan va Internet tarmog‘ida https:// makro.zakaz.uz manzili bo‘yicha joylashgan servis sayti va/yoki Zakaz mobil ilovasi.

1.12. Tovarlar - Sotuvchi tomonidan mazkur Oferta shartlari asosida Servis orqali Foydalanuvchiga sotiladigan Saytda ko‘rsatilgan assortimentdagi Tovarlar.

1.13. Tovarlarni yetkazib berish Xizmati – Yetkazib berish Xizmati tomonidan taqdim etiladigan, Foydalanuvchi tomonidan Sotuvchining supermarketida (do‘konida) buyurtma qilingan Tovarlarni yig‘ish va o‘ramlash va Foydalanuvchi tomonidan xarid qilingan Tovarlarni kvartiralar/uylar/ofislar eshiklari oldigacha yetkazib berish xizmatini o‘z ichiga olgan kompleksli xizmat.

1.14. “O‘zi olib ketish” xizmati – Foydalanuvchi tomonidan Sotuvchining supermarketida Sayt orqali buyurtma qilingan Tovarlarni yig‘ish va o‘ramlash bo‘yicha yetkazib berish Xizmati tomonidan taqdim etiladigan xizmat.

2. Foydalanuvchilik kelishuvining mavzusi

2.1. Ushbu Foydalanuvchilik kelishuvi Sotuvchining Ishonchli vakil nomidan Tovarlar oldi-sotdi Shartnomasini tuzishga ommaviy taklifi (bundan keyin "Oferta"), shuningdek yetkazib berish Xizmatining mazkur Ofertada ko‘rsatilgan shartlar asosida Tovarlarni yetkazib berish xizmatlarini ko‘rsatish uchun Shartnoma tuzishga ommaviy taklifi hisoblanadi.

2.2. Ushbu Ofertaning shartlariga muvofiq, Sotuvchi Foydalanuvchi tomonidan Servis orqali rasmiylashtirilgan Buyurtmada ko‘rsatilgan Tovarlarni Foydalanuvchining mulkiga o‘tkazishni o‘z zimmasiga oladi. Sotuvchining Foydalanuvchiga Tovarlarni topshirish bo‘yicha majburiyati Tovarlarni Foydalanuvchiga yetkazib berish uchun yetkazib berish Xizmatiga topshirilgan vaqtda bajarilgan hisoblanadi. Tovarlarning tasodifan nobud bo‘lishi yoki tasodifan zararlanishi xavfi mazkur Tovar yetkazib berish Xizmati tomonidan Foydalanuvchiga topshirilgan paytdan boshlab Foydalanuvchiga o‘tadi.

Saytda ko‘rsatilgan Tovarlarning narxlari Buyurtmaga muvofiq Tovarlarni sotish sanasidagi Sotuvchilarning supermarketlar tarmog‘idagi amaldagi narxlariga mos keladi. Sotuvchiga tegishli supermarketlar tarmog‘ining to‘planib boruvchi kartalari Saytga Buyurtma berishda amal qilmaydi. Buyurtmaga ko‘ra Tovarlar sotiladigan sanadagi Sotuvchiga tegishli supermarketlar tarmog‘idagi barcha chegirmalar va aktsiyalar Sayt orqali sotiladigan Tovarlar uchun amal qiladi.

Tovarlarning aktual ro‘yxati va Tovarlarning amaldagi narxlari www.makro.zakaz.uz saytida ko‘rsatiladi. Tovarlar Foydalanuvchi tomonidan Buyurtma rasmiylashtirilgan kunda to‘lanmagan taqdirda, Tovarlarga to‘lov Tovarlarni sotish sanasida amaldagi narxlar bo‘yicha to‘lanadi. Sotuvchining supermarketidan tegishli kassa chekida ko‘rsatilgan Tovarlarni chiqarish sanasi Tovarlarni sotish sanasi hisoblanadi.

Ishonchli vakil buyurtma qilingan Tovar narxining har bir pozitsiya uchun 500 so‘mdan oshganligi yoki "og‘irlik bo‘yicha" sotilgan Tovar vaznining Buyurtmada ko‘rsatilgan vazndan +/- 200 grammga o‘zgargani to‘g‘risida Foydalanuvchini qo‘shimcha ravishda xabardor qilishni o‘z zimmasiga oladi. Og‘irlikka ega bo‘lgan Tovarlarning umumiy soni Tovarning o‘ziga va supermarketdagi o‘ramlash xususiyatlariga qarab farq qilishi mumkin.

Foydalanuvchiga sotilgan Tovarning yakuniy narxi va umumiy qiymati Sotuvchi tomonidan berilgan tegishli kassa chekida ko‘rsatiladi.

2.3. Ushbu Ofertaning shartlariga muvofiq, yetkazib berish Xizmati Foydalanuvchiga Tovarni yetkazib berish bo‘yicha xizmatni yoki "O‘zi olib ketish" Xizmatini Foydalanuvchi tomonidan Sayt orqali joylashtirilgan Buyurtmaga muvofiq ta’minlash majburiyatini oladi.

Tovarlarni yetkazib berish Xizmati/"O‘zi olib ketish" Xizmati tariflari www.makro.zakaz.uz Saytida ko‘rsatilgan. Yetkazib berish Oraliqlari jadvali www.makro.zakaz.uz Saytida ko‘rsatilgan. Foydalanuvchi Buyurtma berish paytida mavjud bo‘lgan har qanday yetkazib berish Oralig‘ini tanlashi mumkin. Muayyan manzilga yetkazib berish imkoniyati Saytga tegishli manzilni kiritish orqali aniqlanadi.

Yetkazib berish xizmati Servis vositasida Buyurtmani rasmiylashtirishda Foydalanuvchi tomonidan tanlangan mavjud yetkazib berish Oralig‘i doirasida yetkazib berish Xizmatini taqdim etishni o‘z zimmasiga oladi. Buyurtmani yetkazib berish Buyurtmada ko‘rsatilgan manzil bo‘yicha ofis, kvartira yoki uyning eshiklarigacha etkaziladi. Eshiklar oldigacha yetkazib berish faqat uyda ishlab turgan lift mavjud bo‘lganda amalga oshiriladi. Agar u mavjud bo‘lmasa yoki buzilgan bo‘lsa, og‘irligi 30 kg gacha bo‘lgan Buyurtmani 5-qavatdan baland bo‘lmagan ofis yoki kvartiraning eshiklari oldigacha yetkazish mumkin, boshqa hollarda yetkazib berish tegishli bino yoki turar-joy binosining eshiklari oldigacha (kirish joyigacha) amalga oshiriladi.

2.4. Foydalanuvchi Saytda ro‘yxatdan o‘tish va ​​tegishli maydonga belgi qo‘yish yo‘li bilan mazkur taklifni (ofertani) qabul qiladi va mazkur Ofertada ko‘zda tutilgan makro.zakaz.uz Servisi vositasida Buyurtmalarni rasmiylashtirish, Tovarlarni sotish va yetkazib berish shartlariga va Ushbu Oferta doirasida Foydalanuvchi zimmasiga yuklatilgan majburiyatlarga rozi bo‘ladi va ularga rioya qilishni o‘z zimmasiga oladi.

2.5. Foydalanuvchi tomonidan Oferta qabul qilinganligi haqida shuningdek, mazkur Ofertada ko‘rsatilgan shartlarda Tovarlarning narxi to‘langanligi va Tovarlarni yetkazib berish Xizmati/o‘zi olib ketish Xizmati to‘langanligi tasdiqlanishi mumkin.

2.6. Ishonchli vakil Tovar Sotuvchisi hisoblanmaydi. Binobarin, Tovarlarga nisbatan barcha shikoyatlar Foydalanuvchi tomonidan faqat mazkur Tovarlarning Sotuvchisiga bildirilishi mumkin.

2.7. Yetkazib berish Xizmati Tovarlarni yetkazib berish Xizmatini mustaqil ravishda ham, uchinchi shaxslarning ishtiroki bilan ham taqdim etish huquqiga ega.

3. Saytda ro‘yxatdan o‘tish va xavfsizlik

3.1. Buyurtmalarni rasmiylashtirish va Servis imkoniyatlaridan foydalanish uchun Foydalanuvchi www.makro.zakaz.uz elektron manzili bo‘yicha ro‘yxatdan o‘tish shaklini to‘ldirib, Saytda ro‘yxatdan o‘tishi (akkaunt yaratishi) kerak.

3.2. Foydalanuvchi Ro‘yxatdan o‘tish shaklini to‘ldirganda, faqat o‘ziga tegishli aniq va muhim ma’lumotlarni kiritadi. Saytga kiritilgan ma’lumotlar Foydalanuvchiga Tovarlarni yetkazib bergan shaxsga shaxsni tasdiqlovchi guvohnomani taqdim etish orqali tekshirilishi mumkin. Agar Foydalanuvchi tomonidan o‘zi to‘g‘risidagi noto‘g‘ri ma’lumotlar taqdim qilinsa yoki Foydalanuvchi ma’lumotlarni taqdim etishdan va/yoki taqdim etilgan ma’lumotlarni tekshirishdan bosh tortsa, Ishonchli vakil Foydalanuvchini ro‘yxatdan o‘tkazishni to‘xtatishi yoki bekor qilishi yoki so‘ralgan xizmatlarni taqdim etishni rad etish huquqiga ega bo‘ladi. Foydalanuvchi ishonchsiz ma’lumotlar taqdim etganligi uchun uchinchi shaxslar va /yoki vakolatli organlar oldida to‘liq javobgardir.

3.3. Ishonchli vakil Foydalanuvchiga yagona shaxsiy kabinet yaratish imkoniyatini taqdim etadi. Agar Foydalanuvchi bittadan ortiq akkaunt yaratsa, Ishonchli vakil Foydalanuvchi tomonidan yaratilgan boshqa akkauntlarni o‘chirish va / yoki Foydalanuvchiga Servisga kirishni rad etish huquqini o‘zida saqlab qoladi.

3.4. Saytda 18 yoshga to‘lgan, to‘liq fuqarolik huquqdorlikka va salohiyatlilikka ega bo‘lgan shaxslarni ro‘yxatdan o‘tkazishga ruxsat beriladi. Foydalanuvchi ro‘yxatdan o‘tish paytida u 18 yoshga to‘lganligini va to‘la fuqarolik huquqdorlikka va salohiyatlilikka ega ekanligini tasdiqlaydi.

3.5. Ro‘yxatdan o‘tgandan so‘ng, Foydalanuvchiga shaxsiy kabinetga kirish uchun parol beriladi, keyin bu parolni shaxsiy kabinetda o‘zgartirishi mumkin. Foydalanuvchiga vaqti-vaqti bilan parolini yangilab turish tavsiya etiladi.

3.6. Foydalanuvchi o‘z logini va parolining xavfsizligi uchun (u haqdagi ma’lumotlar uchinchi shaxslarga tarqatilishi mumkin emas ma’lumot), shuningdek Saytdagi o‘z akkaunti ostida amalga oshiriladigan barcha harakatlar uchun to‘liq javobgardir. Ushbu Foydalanuvchilik kelishuvining amal qilish muddati davomida Foydalanuvchining login va parolidan foydalangan holda amalga oshiriladigan barcha harakatlar Foydalanuvchi tomonidan amalga oshirilgan hisoblanadi. Ishonchli vakil uchinchi shaxslar tomonidan Foydalanuvchining ro‘yxatga olish ma’lumotlaridan ruxsatsiz foydalanganlik uchun javobgar emas.

3.7. Foydalanuvchiga har 3 oyda parolni almashtirish tavsiya etiladi. Foydalanuvchi o‘z akkauntiga uchinchi shaxslar tomonidan ruxsatsiz kirilganlik holatida yoki xavfsizlik tartibiga va xizmatlarni taqdim etish muvofiqligiga putur yetkazishi mumkin bo‘lgan boshqa xavfsizlik buzilishlari to‘g‘risida darhol Ishonchli vakilni xabardor qilishga majbur.

3.8. Saytdan noqonuniy va taqiqlangan ishlarda foydalanish taqiqlanadi. Foydalanuvchi qonunlarga rioya qilishga, shu jumladan birovga zarar yetkazishi mumkin bo‘lgan spam tarqatmaslikka, zararli dasturlar, WEB resurslariga havolalar tarqatmaslikka, shuningdek Saytda axloqiy va Qonunchilikka mos kelmaydigan boshqa harakatlarni bajarmaslikka rozilik bildiradi.

3.9. Ishonchli vakil Foydalanuvchini noqonuniy xatti-harakatlar sodir etganlikda, shu jumladan: bank kartalari bilan firibgarlik, spam, zararli dasturlar tarqatish, pul yuvish, shaxsiy ma’lumotlarni o‘g‘irlash, shaxsiy ma’lumotlarni noqonuniy qayta ishlash, mazkur Oferta shartlarini buzadigan boshqa harakatlarda gumon qilgan taqdirda Ishonchli vakil tegishli davlat organlariga bayonot bilan murojaat qilish va/yoki bu ishning barcha holatlari aniqlanmaguncha Foydalanuvchining akkauntini blokirovka qilish va /yoki o‘chirib tashlash huquqiga ega.

3.10. Saytda ro‘yxatdan o‘tish faqat Foydalanuvchi Ishonchli vakil mijozlarining Shaxsiy ma’lumotlarni qayta ishlash Siyosati bilan tanishganligini tasdiqlovchi belgi qo‘ygandan keyingina mumkin bo‘ladi. Saytda ro‘yxatdan o‘tish orqali Foydalanuvchi Ishonchli vakil mijozlarining shaxsiy ma’lumotlarini qayta ishlash bo‘yicha mazkur Siyosat shartlari bilan to‘liq tanishligini va ularga rozi ekanligini tasdiqlaydi.

3.11. Saytda ro‘yxatdan o‘tish paytida Foydalanuvchi yetkazib berish Xizmatining, Sotuvchi Tovarlarining, Sotuvchining va/yoki yetkazib berish Xizmatining reklama va bonus dasturlariga tegishli dolzarb ma’lumotlar mavjud muntazam jo‘natmalarni o‘z elektron pochtasiga, messenjerdagi akkauntiga va/yoki sms- xabarlar ko‘rinishida qabul qilishga rozilik berishi mumkin. Jo‘natmalarni amalga oshirish Ishonchli vakil tomonidan O‘zbekiston Respublikasi "Reklama to‘g‘risida"gi Qonuniga muvofiq amalga oshirilishi kerak.

Foydalanuvchi istalgan vaqtda Ishonchli vakilning Qo‘llab-quvvatlash Xizmatiga telefon orqali yoki Ishonchli vakilning Saytda ko‘rsatilgan elektron pochtasi bo‘yicha murojaat qilib, muntazam pochta jo‘natmalaridan voz kechish huquqiga ega.

4. Intellektual mulk va mualliflik huquqi

4.1. www.makro.zakaz.uz Saytida ishlatilgan va joylashtirilgan intellektual faoliyatning barcha natijalari, shuningdek Buyurtmani Joylashtirish ular qonuniy egalarining intellektual mulki hisoblanadi va O‘zbekiston Respublikasining intellektual mulk to‘g‘risidagi qonun hujjatlari, shuningdek tegishli xalqaro shartnomalar va konventsiyalar bilan himoyalangan. Saytda joylashtirilgan intellektual faoliyat natijalaridan (shu jumladan, vizual bezatish elementlari, ramzlar, matnlar, grafik tasvirlar, rasmlar, fotosuratlar, videolar, dasturlar, musiqa, savdo belgilari va boshqa obyektlardan) Ishonchli vakil yoki qonuniy huquq egasining yozma ruxsatisiz foydalanish noqonuniy hisoblanadi va Qonunchilikka muvofiq sudda ishni ko‘rish va huquqbuzarlarni fuqarolik-huquqiy va jinoiy javobgarlikka tortish uchun asos bo‘lib xizmat qilishi mumkin.

4.2. www.makro.zakaz.uz Saytida joylashtirilgan intellektual faoliyatning biron bir natijasidan, Mazkur Foydalanuvchilik kelishuvi, shuningdek amaldagi Qonunchilik bilan belgilangan hollar bundan mustasno, Ishonchli vakil yoki qonuniy mualliflik huquqi egasining oldindan yozma ruxsatisiz nusxalash (takror ishlab chiqarish), qayta ishlash, tarqatish, freymda namoyish etish, nashr etish, yuklab olish, uzatish, sotish yoki boshqa usulda to‘liq yoki qisman foydalanish mumkin emas.

4.3. www.makro.zakaz.uz Saytida joylashtirilgan intellektual faoliyat natijalariga ruxsat Ishonchli vakil tomonidan Foydalanuvchi tomonidan faqatgina Servis orqali tanishish maqsadlarida mazkur obyektlarni foydalanuvchining elektron qurilmalari xotirasida qayta ishlab chiqarish (shu jumladan nusxa ko‘chirish/yuklash/saqlash) huquqisiz, shuningdek mazkur Ofertada ko‘zda tutilmagan boshqa foydalanish huquqisiz, shu jumladan ularni sotish, o‘zgartirish, to‘liq yoki qismlarga bo‘lib tarqatish va h.k., foydalanuvchi tomonidan faqatgina shaxsiy notijorat maqsadlarida foydalanish uchun taqdim etiladi.

4.4. Ishonchli vakil istalgan vaqtda foydalanuvchini ogohlantirmasdan unda joylashtirilgan intellektual faoliyat natijalarini www.makro.zakaz.uz Saytidan olib tashlash huquqini o‘zida saqlab qoladi.

5. Ishonchli vakilning huquqlari va majburiyatlari

5.1. Ishonchli vakilning majburiyatlari:

5.1.1. Buyurtmalarni qabul qilish, qayta ishlash, Buyurtma holati, yetkazib berish muddati va narxi o‘zgarganligi to‘g‘risida Foydalanuvchiga xabar berish;

5.1.2. www.makro.zakaz.uz Saytida viruslar va boshqa zararli dasturlarni o‘z ichiga olgan yoki o‘z ichiga olgan bo‘lishi mumkin fayllarni joylashtirmaslik;

5.1.3. jinoiy faoliyatni tavsiflamaslik yoki targ‘ib qilmaslik, jinoiy xatti-harakatlar uchun yo‘riqlar yoki ko‘rsatmalar joylashtirmaslik;

5.1.4. www.makro.zakaz.uz Saytida uchinchi shaxslarning intellektual faoliyat natijalariga bo‘lgan huquqlarini buzadigan har qanday axborotni joylashtirmaslik;

5.1.5. pul vositalarini Tovarlar uchun to‘lov sifatida qabul qilish;

5.1.6. Ishonchli vakilning mazkur Foydalanuvchilik kelishuvida nazarda tutilgan boshqa vazifalari.

5.2. Ishonchli vakilning huquqlari:

5.2.1. o‘z ixtiyori bilan, shuningdek Sotuvchi nomidan Saytda e’lon qilingan Sotuvchiga tegishli har qanday ma’lumotni, shuningdek Saytda joylashtirilgan kontentni o‘zgartirish, to‘ldirish yoki olib tashlash.

5.2.2. "O‘zi olib ketish" Tovarlarni yetkazib berish Xizmatining Tariflarini bir tomonlama tartibda o‘zgartirish, bu haqda yuqorida ko‘rsatilgan xizmat uchun yangi tariflar haqida Saytda ma’lumot joylashtirish orqali Foydalanuvchini xabardor qilish.

5.2.3. yetkazib berish Oraliqlari jadvalini bir tomonlama o‘zgartirish, bu haqda Saytda yetkazib berish Oraliqlarining yangi jadvali to‘g‘risida ma’lumot joylashtirish yo‘li bilan Foydalanuvchini xabardor qilish.

5.2.4. istalgan vaqtda Foydalanuvchidan ro‘yxatdan o‘tish paytida ko‘rsatilgan ma’lumotlarni tasdiqlashni talab qilish va shu munosabat bilan tasdiqlovchi hujjatlarni (xususan, shaxsni tasdiqlovchi hujjatlarni) so‘rash. Bunday hujjatlarni taqdim etmaslik, Ishonchli vakilning qaroriga binoan, noto‘g‘ri ma’lumotni taqdim etishga tenglashtirilishi mumkin, shu sababli Ishonchli vakil Foydalanuvchini Saytda ro‘yxatdan o‘tishini (hisob qaydnomasini yaratishni) va/yoki Buyurtmani bajarishni rad etish huquqiga ega;

5.2.5. Foydalanuvchi sharhlariga izohlar joylashtirish;

5.2.6. Ishonchli vakilning mazkur Shartnomada nazarda tutilgan boshqa huquqlari.

6. Foydalanuvchining huquqlari va majburiyatlari

6.1. Foydalanuvchining majburiyatlari:

6.1.1. Saytda ko‘rsatilgan amaldagi narxlarga/tariflarga, shuningdek Tovarlarning hisob-kitob va jo‘natish hujjatlariga muvofiq buyurtma qilingan Tovarlarni va Tovarlarni yetkazib berish xizmatini / “O‘zi olib ketish” xizmatini qabul qilish va to‘lash;

6.1.2. kelishilgan joyda va kelishilgan vaqtda Tovarlarni qabul qilish, Buyurtma, uni olish joyi va vaqti to‘g‘risida ma’lumotlarning to‘g‘riligini kafolatlash. Agar mazkur ma’lumotda o‘zgarishlar bo‘lsa, foydalanuvchi qo‘shimcha transport xarajatlarini amalga oshirishga rozilik beradi;

6.1.3. www.makro.zakaz.uz Saytining imkoniyatlaridan faqat qonuniy maqsadlarda foydalanish, amaldagi Qonunchilikka, shuningdek mazkur Oferta shartlariga rioya qilish;

6.1.4. Saytda joylashtirilgan ma’lumotlar bilan, shu jumladan Foydalanuvchi shartnomasi bilan unga kiritilgan o‘zgartirishlar va/yoki qo‘shimchalar bilan o‘z vaqtida tanishish uchun muntazam ravishda tanishib borish. Foydalanuvchining o‘zgarishlar va/yoki qo‘shimchalar kiritilgandan so‘ng Saytda taqdim etilayotgan xizmatlarga murojaati Foydalanuvchining mazkur o‘zgarishlar va/yoki qo‘shimchalarga roziligini anglatadi;

6.1.5. Servis ishini beqarorlashtirishga qaratilgan harakatlarni amalga oshirishdan, unda joylashtirilgan intellektual faoliyat natijalari bo‘yicha Saytga ruxsatsiz kirishga urinishlarni amalga oshirishdan, shuningdek Ishonchli vakil, Sotuvchi va/yoki uchinchi shaxslarning huquqlarini buzadigan boshqa har qanday xatti-harakatlardan tiyilish;

6.1.6. Ishonchli vakilning oldindan yozma roziligini olmagan holda, har qanday Tovar yoki xizmatlarning reklamasi bo‘lgan materiallarni Servis orqali/vositasida yubormaslik. Foydalanuvchi Servisdan har qanday Tovar va xizmatlarni reklamasi yoki sotishni boshqacha rag‘batlantirish uchun foydalanmaslik majburiyatini oladi;

6.1.7. Ishonchli vakilning roziligisiz www.makro.zakaz.uz Sayti va (yoki) Servis tarkibining biron bir qismini qayta ishlab chiqarish, takrorlash, nusxalash, sotish, qayta sotish yoki har qanday usul bilan biron-bir tijorat maqsadlarida ishlatmaslik;

6.1.8. www.makro.zakaz.uz Saytida akkauntni ro‘yxatdan o‘tkazishda o‘zi haqida aniq, dolzarb va to‘liq ma’lumotlarni taqdim etish;

6.1.9. o‘z akkaunti (elektron pochta manzillarini qo‘shgan holda) va parollarni himoya qilish uchun tegishli choralarni ko‘rish. Buning uchun Foydalanuvchi begona saytlariga o‘tishdan yoki brauzerni (Internet-brauzer) yopishdan oldin o‘z akkauntidan chiqib ketishni amalga oshirishi shart (har bir sessiyani "Chiqish" tugmachasini bosish bilan yakunlash);

6.1.10. www.makro.zakaz.uz Saytidagi akkauntni uchinchi shaxslarga o‘tkazmaslik, voz kechmaslik, sotmaslik, foydalanishga topshirmaslik va h.k.;

6.1.11. ro‘yxatdan o‘tish paytida o‘zi taqdim etgan ma’lumotlarning to‘g‘riligini, dolzarbligini va to‘liqligini ta’minlash uchun o‘zgargan taqdirda uni yangilash;

6.1.12. Servisda joylashtirilgan har qanday ma’lumot yoki intellektual faoliyat natijalaridan foydalanishni yoki nusxalashni taqiqlaydigan yoki cheklaydigan www.makro.zakaz.uz Saytini yoki unda joylashtirilgan intellektual faoliyat natijalarini himoya qilishning har qanday texnik vositalarini o‘chirishga yoki boshqa yo‘l bilan aralashishga urinish;

6.1.13. Foydalanuvchiga www.makro.zakaz.uz Saytidan foydalanganda, quyidagi har qanday ma’lumotlarni yuklab olish, saqlash, nashr etish, tarqatish va ularga kirishni ta’minlash yoki boshqa yo‘llar bilan foydalanish taqiqlanadi.

• tahdidlarni o‘z ichiga olgan, obro‘sizlantiradigan, haqorat qiladigan, boshqa Foydalanuvchilar yoki boshqa uchinchi shaxslarning sha’ni va qadr-qimmatini yoki ishbilarmonlik obro‘sini kamsitadigan yoki shaxsiy hayoti daxlsizligini buzadigan;

• voyaga yetmaganlarning huquqlarini buzadigan;

• qo‘pol yoki odobsiz, uyatsiz so‘zlarni o‘z ichiga olgan, pornografik rasmlar va jinsiy xarakterdagi matnlar yoki sahnalar bo‘lgan;

• hayvonlarga nisbatan zo‘ravonlik yoki g‘ayriinsoniy munosabat sahnalarini o‘z ichiga oladigan;

• o‘z joniga qasd qilish vositalari va usullari, uni sodir etishga har qanday da’vat qilish tavsifini o‘z ichiga oladigan;

• irqiy, diniy, etnik adovat yoki dushmanlikni qo‘zg‘atadigan va/yoki targ‘ib qiladigan, fashizmni yoki irqiy ustunlik mafkurasini targ‘ib qiladigan;

• ekstremistik materiallarni o‘z ichiga olgan;

• jinoiy faoliyatni targ‘ib qiladigan yoki jinoiy harakatlarni sodir etish uchun maslahat, yo‘riqnoma yoki ko‘rsatmalarni o‘z ichiga oladigan;

• Foydalanuvchidan farqli ma’lumotlar sub’ektlariga tegishli bo‘lgan davlat va tijorat sirlari, tibbiy sirlar, soliq sirlari, professional sirlar va tijorat, shaxsiy ma’lumotlarni o‘z ichiga olgan, lekin ular bilan cheklanmagan ma’lumotlarga ega bo‘lgan;

• reklamalarni o‘z ichiga oladigan;

• firibgarlik xususiyatiga ega bo‘lgan;

• foydalanuvchiga undan foydalanishga ruxsat bermagan uchinchi shaxslarning intellektual mulki, shuningdek jismoniy va yuridik shaxslarning boshqa huquq va manfaatlarini yoki Qonunchilik talablarini buzadigan;

6.1.14. Foydalanuvchining mazkur Foydalanuvchilik kelishuvida nazarda tutilgan boshqa majburiyatlari.

6.2. Foydalanuvchining huquqlari:

6.2.1. Tovar to‘g‘risida Saytda taqdim etilgan ishonchli ma’lumotlarni olish;

6.2.2. kelishilgan joyda va kelishilgan vaqtda Tovarni olish;

6.2.3. teskari aloqa shakli orqali Ishonchli vakilga tegishli so‘rov yuborish orqali Buyurtma Servisidan foydalanishni to‘xtatish, o‘zi yaratgan akkauntdan va mazkur Foydalanuvchilik kelishuvidan voz kechish;

6.2.4. mazkur Foydalanuvchilik kelishuvi, Ishonchli vakilning mijozlar shaxsiy ma’lumotlarini qayta ishlash Siyosati va Qonunchilikda nazarda tutilgan Foydalanuvchining boshqa huquqlari.

7. Sotuvchining huquqlari va majburiyatlari

Sotuvchining majburiyatlari:

7.1.1. Sayt vositasida u buyurtma qilgan Tovarlarni Foydalanuvchi mulkiga o‘tkazish;

7.1.2. mazkur Foydalanuvchilik kelishuvi va Qonunchilikda ko‘zda tutilgan boshqa majburiyatlar.

7.2. Sotuvchining huquqlari:

7.2.1. Saytda Tovarlarning yangi narxlari bayon qilingan ma’lumotni joylashtirish yo‘li bilan bu haqda Foydalanuvchini xabardor qilib, bir tomonlama tartibda Tovarlar narxini o‘zgartirish;

7.2.2. mazkur Foydalanuvchilik kelishuvi va Qonunchilik bilan nazarda tutilgan boshqa majburiyatlar.

8. Buyurtmani rasmiylashtirish va bajarish tartibi

8.1. Buyurtmani rasmiylashtirish uchun Foydalanuvchi Saytdagi Tovarlarni tanlaydi va Buyurtmani bajarish uchun zarur ma’lumotlarni ko‘rsatadi.

8.2. Buyurtmaning bajarilishini tasdiqlash uchun Foydalanuvchi maxzkur Foydalanuvchilik kelishuvining shartlari bilan tanishishi va birinchi marta Saytga kirgandan so‘ng, www.makro.zakaz.uz saytidagi Ofertani aksept qilish taklifini o‘z ichiga olgan tegishli maydonga belgi qo‘yib, uning shartlarini qabul qilishga rozilik bildirishi shart, shundan so‘ng Oferta qabul qilingan deb hisoblanadi va Tovarlar oldi-sotdi Shartnomasi va Tovarlarni yetkazib berish bo‘yicha Xizmatlar ko‘rsatishga Shartnoma tuzilgan hisoblanadi.

8.3. Buyurtma tasdiqlangan paytdan boshlab Sotuvchi va Ishonchli vakil Buyurtma va mazkur Oferta shartlariga muvofiq uni bajarish majburiyatini oladi.

8.4. Buyurtmani bajarish paytida Ishonchli vakil yig‘ilgan Tovarlarni o‘ramlash materialiga o‘raydi. O’ramlash materiallari narxi Tovarlarni yetkazib berish Xizmati narxiga kiritilgan.

8.5. Ishonchli vakil Foydalanuvchiga Buyurtmani bajarish paytida yuz bergan muhim o‘zgarishlar to‘g‘risida Saytda ro‘yxatdan o‘tish paytida u tomonidan ko‘rsatilgan aloqa vositalaridan (telefon yoki elektron pochta) foydalangan holda xabar beradi.

8.6. Foydalanuvchi Tovarlarni yetkazib berish Xizmati o‘rniga, agar bunday Xizmat Buyurtmani Saytga joylashtirish paytida mavjud bo‘lsa, “O‘zi olib ketish” Xizmatini tanlashi mumkin.

8.7. Ishonchli vakil Tovarlarni Foydalanuvchiga yetkazib berishni mustaqil yoki Foydalanuvchi tanlagan yetkazib berish Oralig‘i doirasida uchinchi shaxslarning ishtiroki bilan amalga oshirishga haqlidir. Belgilangan sub’ektlardan qaysi biri Buyurtmani topshirishidan qat’i nazar, ular mazkur Foydalanuvchilik kelishuvi va Ishonchli vakil mijozlarining shaxsiy ma’lumotlarini qayta ishlash Siyosati talablariga rioya qilishadi.

8.8. Ishonchli vakil, agar Foydalanuvchi mazkur Foydalanuvchilik kelishuvi shartnomasi shartlarini bajarmagan bo‘lsa, o‘z ixtiyoriga ko‘ra Foydalanuvchiga Buyurtmani bajarishdan bosh tortish huquqini o‘zida saqlab qoladi. Buyurtmani bajarishni rad etish to‘g‘risidagi xabar Foydalanuvchiga telefon orqali xabar qilinadi yoki shaxsiy kabinetini yaratishda Foydalanuvchining o‘zi tomonidan ko‘rsatilgan elektron pochta manziliga yuboriladi. Bunda, Ishonchli vakil tomonidan Tovarlar va Tovarlarni yetkazib berish Xizmatlari uchun Foydalanuvchidan olingan pul mablag‘lari Foydalanuvchidan to‘lovni amalga oshirish uchun zarur bo‘lgan bank rekvizitlarini ko‘rsatilib, tegishli yozma so‘rovni olgan paytdan boshlab 15 (o‘n besh) kalendar kun ichida xuddi to‘lov amalga oshirilgan tarzda yoki ularni shu tarzda qaytarib berish mumkin bo‘lmasa, boshqa qonuniy yo‘l bilan Foydalanuvchiga qaytarilishi kerak. Foydalanuvchi yakka tarzda bunday qaytarishning texnik imkonsizligi xavfini o‘z zimmasiga oladi. Shuningdek, Foydalanuvchi mablag‘larni qaytarish bilan bog‘liq barcha xarajatlarni (bank komissiyalarini) o‘z zimmasiga oladi. Ishonchli vakil Buyurtmani yetkazib berishning iloji bo‘lmasa (toshqinlar, zilzilalar, kataklizmlar, shahardagi og‘ir transport holati yoki yetkazib berish punkti avtomobilda 50 metr radiusgchaga yaqinroq yetib borib bo‘lmaydigan hududda joylashgan bo‘lsa) Buyurtmani bekor qilish huquqini o‘zida saqlab qoladi.

Ishonchli vakil Buyurtmani bekor qilish yoki Foydalanuvchi tomonidan belgilangan aloqa vositalari bilan aloqa qilishning iloji bo‘lmasa, Buyurtmani keyingi yetkazib berish Oralig‘iga o‘tkazish huquqini o‘zida saqlab qoladi.

8.9. Buyurtmaga o‘zgartirishlar kiritish, shu jumladan Buyurtmani yetkazib berish Oralig‘ini o‘zgartirish va/yoki Foydalanuvchi tomonidan to‘ldirilgan va tasdiqlangan Buyurtmani rad etish www.makro.zakaz.uz Saytida ko‘rsatilgan shartlar bo‘yicha amalga oshiriladi.

8.10. Agar Foydalanuvchi Tovarni uning aybi bilan olmagan bo‘lsa yoki Tovarni qabul qilishdan bosh tortsa, Sotuvchi Tovarlarning oldi-sotdi Shartnomasidan chiqishga haqlidir.

8.11. Foydalanuvchi Tovarlar yetkazib berish Xizmati tomonidan Foydalanuvchiga topshirilayotganda ularni miqdori, assortimenti, o‘ramning tashqi ko‘rinishi va butunligi bo‘yicha qabul qiladi. Foydalanuvchining Tovarlar miqdori, assortimenti, tegishli bo‘lmagan ko‘rinishi, Tovarlar o‘ramining shikastlanishi mavjudligiga oid shikoyatlari Foydalanuvchi bunday Tovarlarni qabul qilib olgandan keyin Ishonchli vakil va Sotuvchi tomonidan qabul qilinmaydi. Foydalanuvchining Tovarlarning sifatiga oid da’volari Qonun hujjatlarida belgilangan muddatlarda qabul qilinadi.

8.12. Foydalanuvchi tomonidan Tovarlarni qabul qilish va Tovarlarni yetkazib berish bo‘yicha Xizmatlar uchun to‘lovni to‘lash paytidan boshlab, Buyurtma bajarilgan, Tovarlarni yetkazib berish Xizmatlari to‘g‘ri va to‘liq hajmda ko‘rsatilgan deb hisoblanadi.

8.13. Tegishli sifatdagi oziq-ovqat Tovarlari qaytarib berilishi yoki almashtirilishi mumkin emas.

8.14. Foydalanuvchi Sotuvchiga qaytarib berilishi yoki shu kabi Tovarlarga almashtirilishi mumkin bo‘lmagan tegishli sifatdagi nooziq-ovqat Tovarlari Ro‘yxatiga kiritilgan, (13.02.2003 yil O‘zbekiston Respublikasi Vazirlar Mahkamasining 75-sonli Qarori bilan tasdiqlangan, O‘zbekiston Respublikasida Chakana savdo qoidalariga 1-sonli ilova). tegishli sifatdagi nooziq-ovqat Tovarlaridan tashqari tegishli sifatdagi nooziq-ovqat Tovarlarini qaytarish huquqiga ega

8.15. Foydalanuvchi amaldagi Qonunchilik qoidalariga muvofiq qaytarib berilishi mumkin bo‘lgan Tovarlarni, bunday rad etish sabablarini tushuntirmasdan qaytarib berishga haqlidir.

8.16. Tovarlar uchun Foydalanuvchilarga pul mablag‘larini qaytarish va/yoki Tovarlarni almashtirish Qonunchilik talablariga muvofiq Sotuvchi tomonidan amalga oshiriladi.

8.17. Tovarlarni qabul qilish asossiz ravishda rad etilgan taqdirda, Foydalanuvchi Tovarlarni yetkazib berish Xizmati narxini to‘liq to‘lash majburiyatini oladi.

9. Tovarlar va yetkazib berish xizmatlari uchun to‘lovlarni amalga oshirish qoidalari

9.1. Servis doirasida, Foydalanuvchiga Tovarlar va Tovarlarni yetkazib berish Xizmatlarini kurerga naqd pulda va/yoki naqd pulsiz to‘lov orqali bank kartalaridan foydalangan holda (POS) to‘lov terminali vositasida va/yoki onlayn to‘lov tizimlaridan yoki bank kartalaridan foydalanib, internet-ekvayring xizmati orqali, shuningdek boshqa yo‘llar bilan to‘lash imkoniyati berilishi mumkin.

9.2. Buyurtmani rasmiylashtirish paytida Tovarlarni va Tovarlarni yetkazib berish Xizmatlari/”O‘zi olib ketish” Xizmatlarini mavjud to‘lash usullari www.makro.zakaz.uz Saytida ko‘rsatilgan.

9.3. To‘lov tizimlaridan onlayn yoki bank kartasidan foydalangan holda internet-ekvayring xixmati vositasida Tovarlarni to‘lash usuli tanlangan taqdirda, Foydalanuvchi Saytda keltirilgan qo‘shimcha ko‘rsatmalarga muvofiq bank kartasi orqali to‘lovlarni amalga oshirishi shart.

9.4. Foydalanuvchi, agar shu kabilar mavjud bo‘lsa, to‘lov kartasidan foydalangan holda to‘lovlarni amalga oshirishni ta’minlaydigan xizmatlarni (komissiyalarni) uchinchi shaxslarga (bank va/yoki to‘lov tizimiga) to‘lashga roziligini tasdiqlaydi.

9.5. Tovarlarni naqd pul bilan to‘lash usuli tanlangan taqdirda, Foydalanuvchi Tovarlarni olgandan so‘ng darhol yetkazib berish xizmatining kureriga Tovarlar va yetkazib berish Xizmatlari uchun to‘lashi shart.

9.6. Saytda ko‘rsatilgan usullardan biri bilan Buyurtmani rasmiylashtirish va/yoki Tovarlar uchun to‘lov to‘langanlik fakti Sotuvchi va Foydalanuvchi uchun Tovarlarning oldi-sotdi shartnomasi bo‘yicha huquq va majburiyatlarning paydo bo‘lishi uchun asos hisoblanadi.

9.7. Saytda ko‘rsatilgan usulda Tovarlarni to‘lashda Foydalanuvchi iste’molchilar huquqlarini himoya qilish to‘g‘risidagi Qonun hujjatlarida nazarda tutilgan huquqlarga ega.

9.8. Foydalanuvchi quyidagi hollarda Ishonchli vakilning ehtimoldagi qo‘shimcha xarajatlarini to‘lash majburiyatini oladi:

9.8.1. Foydalanuvchi Buyurtmani rasmiylashtirishda noto‘g‘ri aloqa ma’lumotlarini ko‘rsatgan bo‘lsa;

9.8.2. Foydalanuvchi bilan uning o‘zi kelishgan yetkazib berish Oralig‘ida telefon aloqasi mavjud bo‘lmasa;

9.8.3. Foydalanuvchi o‘zi tanlagan yetkazib berish Oralig‘ida Tovarni istalgan vaqtda ko‘rsatilgan manzilda qabul qila olmasa;

9.8.4. Foydalanuvchi Tovarlarni yetkazib berish manzilini o‘zgartirsa va bu haqda Ishonchli vakilni ogohlantirmasa.

9.9. Foydalanuvchining moliyaviy majburiyatlari Ishonchli vakil Tovarlar va Tovarlarni yetkazib berish Xizmatlari/”O‘zi olib ketish” Xizmatlari uchun to‘lovni qabul qilgan va Ishonchli vakilning mumkin bo‘lgan qo‘shimcha xarajatlari qoplangan paytdan boshlab to‘liq hajmda bajarilgan deb hisoblanadi.

10. Javobgarlik. Javobgarlikni cheklash

10.1. Ishonchli vakil Foydalanuvchiga, Ishonchli vakil vakolatiga bog‘liq bo‘lmagan holatlarda, doimiy va shartsiz kirish kafolatlanmagan Servisdan foydalanish imkoniyatini taqdim etadi.

10.2. Foydalanuvchi Ishonchli vakil Foydalanuvchi va/yoki uchinchi shaxslar oldida quyidagilar bo‘yicha javobgar emasligini tushunadi va bunga rozi bo‘ladi:

10.2.1. Tovarlarning umume’tirof etilgan standartlarga va/yoki Foydalanuvchining taxminlariga ehtimoldagi nomuvofiqligi uchun;

10.2.2. agar bu Ishonchli vakilning aybi bilan sodir bo‘lmagan bo‘lsa, kechikishlar, nosozliklar, Foydalanuvchiga Tovarlarni noto‘g‘ri yoki o‘z vaqtida yetkazib berilmaganlik, shuningdek, Foydalanuvchiga natijada yetkazilgan moddiy zarar uchun uchun;

10.2.3. Foydalanuvchiga sotish uchun taqdim etilayotgan Tovarlar to‘g‘risida kerakli, ishonchli, o‘z vaqtida va qulay ma’lumotni taqdim etganligi uchun, bu axborotni joylashtirilishi bilan uchinchi shaxslar huquqlarinining ehtimoldagi buzilishi uchun, iste’molchilar huquqlarini himoya qilish to‘g‘risidagi qonun hujjatlarining boshqa talablari buzilganligi uchun.

10.2.4. Foydalanuvchi tomonidan Buyurtmani rasmiylashtirish paytida to‘liq bo‘lmagan va / yoki noto‘g‘ri va/yoki ahamiyatsiz ma’lumotlar taqdim etilishi munosabati bilan mazkur Foydalanuvchilik kelishuvida ko‘rsatilgan o‘z majburiyatlarini bajarmaganligi yoki noto‘g‘ri bajarganligi uchun;

10.2.5. Foydalanuvchi tomonidan mazkur Foydalanuvchilik kelishuvining istalgan shartlaridan biri bajarilmagan bo‘lsa, Buyurtmani to‘liq yoki noto‘g‘ri bajarilganligi uchun;

10.2.6. Buyurtmani bajarish paytida olingan Tovarlardan foydalanish oqibatida Foydalanuvchida paydo bo‘lgan shikast va zararlar uchun;

10.2.7. Foydalanuvchi foydalanadigan kompyuter tarmoqlari ishidagi nosozliklar sababli Foydalanuvchida Buyurtmani amalga oshirish bo‘yicha texnik imkoniyatlarning yo‘qligi uchun;

10.2.8. Foydalanuvchi tomonidan Servisda yetkazib beriladigan Tovarlarga foydalanilgan/olingan, ma’lumot va fotomateriallarning mazmuni va muvofiqligi uchun;

10.2.9. Saytda ro‘yxatdan o‘tishda Foydalanuvchi tomonidan taqdim etilgan ma’lumotlarning aniqligi va to‘g‘riligi uchun;

10.2.10. Buyurtmani to‘liq yoki uning qismlarini bajarish bilan bog‘liq bo‘lgan uchinchi shaxslarning harakatlari/harakatsizligi natijasida yuzaga kelgan Servis faoliyatidagi xatolar uchun, Foydalanuvchining taxminlarini inobatga olgan holda, Servisning xatosiz va uzluksiz ishlashi, shuningdek Ishonchli vakilga bog‘liq bo‘lmagan sabablarga ko‘ra Foydalanuvchiga Servisga kirishni cheklash/to‘xtatish bilan bog‘liq holda yetkazilgan zarar uchun;

10.2.11. uchinchi shaxslar tomonidan Foydalanuvchi akkauntidan ruxsatsiz foydalanish oqibatida yetkazilgan zararlar uchun;

10.2.12. Servisdan foydalanish bilan kelib chiqqan yoki bog‘liq bo‘lgan Foydalanuvchining yoki boshqa shaxslarning uskunalari yoki dasturiy ta’minotiga yetkazilgan har qanday zarar uchun;

10.3. Servisda boshqa Internet-resurslarga havolalar bo‘lishi mumkin. Foydalanuvchi Ishonchli vakil mazkur resurslarning mavjudligi va ularning mazmuni uchun, shuningdek mazkur resurslardan foydalanish bilan bog‘liq har qanday oqibatlarni nazorat qilmasligini va hech qanday javobgar emasligini tan oladi va rozi bo‘ladi. Foydalanuvchi tomonidan havolalar bo‘yicha amalga oshirilgan har qanday o‘tish uning o‘z o‘z xavfi va tavakkaliga bog‘liq.

10.4. Foydalanuvchi Saytda ro‘yxatdan o‘tish shaklini to‘ldirishda, Buyurtma berishda o‘zi tomonidan ko‘rsatilgan ma’lumotlarning to‘g‘riligi va ishonchliligi uchun javobgardir.

10.5. Agar Saytda ro‘yxatdan o‘tish shaklini to‘ldirishda va/yoki Buyurtmani joylashtirishda Foydalanuvchi tomonidan noto‘g‘ri va/yoki ishonchsiz ma’lumotlar taqdim etilishi munosabati bilan Sotuvchi yoki Ishonchli vakilga zararlar, xarajatlar yetishi, kompensatsiya to‘lash talab qilinishi, nazorat qiluvchi organlar tomonidan ularga nisbatan jarimalar qo‘llanilishi holatida, Foydalanuvchi Sotuvchi va Ishonchli vakilga ularga yetkazilgan zararlar, kompensatsiyalar, xarajatlar, belgilangan jarimalarni to‘la hajmda qoplashni o‘z zimmasiga oladi.

10.6. Foydalanuvchi tomonidan mazkur Foydalanuvchilik kelishuvining shartlari buzilgan taqdirda, Sotuvchi va Ishonchli vakil mazkur Foydalanuvchilik kelishuvini buzganliklarini bartaraf qilmaguncha va mazkur buzilish oqibatida Sotuvchiga va/yoki Ishonchli vakilga yetkazilgan zararni qoplab (kompensatsiya) berguniga qadar mazkur Foydalanuvchilik kelishuvi bo‘yicha majburiyatlarning bajarilishini to‘xtatib turishga va/yoki mazkur Foydalanuvchilik kelishuvini bir tomonlama bekor qilish huquqiga ega.

10.7. Foydalanuvchi o‘z akkaunti va parolining xavfsizligi uchun va o‘zining akkaunti va parol bilan Saytda amalga oshiriladigan barcha harakatlar uchun javobgardir;

10.8. Foydalanuvchi Servisga sharhlar yaratish va joylashtirish, shuningdek amaldagi Qonunchilikka muvofiq ma’lumotlar joylashtirilishi bilan bog‘liq o‘z harakatlariga javobgardir.

11. Maxfiylik

11.1. Ishonchli vakil Foydalanuvchi va Ishonchli vakil operatorlari o‘rtasidagi telefon suhbatlarini yozib olish huquqini o‘zida saqlab qoladi. Shu bilan birga, Ishonchli vakil mazkur ma’lumotlarga ruxsatsiz kirish va/yoki buyurtmalarni bajarish bilan bevosita bog‘liq bo‘lmagan uchinchi shaxslarga bunday ma’lumotlarni uzatishga urinishlarning oldini olish majburiyatini oladi.

12. Kafolatlar va cheklovlar

12.1. Ushbu Foydalanuvchilik kelishuvini akseptlab, Foydalanuvchi quyidagilarni tasdiqlaydi:

12.1.1. Foydalanuvchilik kelishuvini ixtiyoriy ravishda tuzdi va shu bilan birga mazkur Oferta shartlari bilan to‘liq tanishdi, Foydalanuvchilik kelishuvining mavzusi, Foydalanuvchilik kelishuvini tuzish va amalga oshirishga oid harakatlarining ahamiyati va oqibatlarini tushunadi;

12.1.2. mazkur Foydalanuvchilik kelishuvini tuzish va bajarish uchun zarur bo‘lgan barcha huquq va vakolatlarga egalik qiladi;

12.1.3. mazkur Foydalanuvchilik kelishuvini tuzish paytida u hech qanday majburiyatlarga bog‘liq emas va u Foydalanuvchilik kelishuvida ko‘rsatilgan barcha majburiyatlarni bajarishga va uni to‘g‘ri bajarishiga to‘sqinlik qiladigan har qanday holatlardan xabardor emas.

12.2. Ishonchli vakil imkoniyatli hamma narsani qiladi, lekin kafolat bermaydi:

12.1.1. haqiqiy tanlangan Tovarlar Saytda ko‘rsatilganiga o‘xshash ko‘rinishga ega bo‘lishini;

12.1.2. Sayt orqali Foydalanuvchi tomonidan tanlangan Tovarlarning to‘liq ro‘yxatining haqiqiy mavjudligini.

12.3. Ishonchli vakil, Foydalanuvchi Buyurtmasiga muvofiq tanlangan Tovarlarda foydalanish muddati o‘tgan, kafolat muddati o‘tgan va tashqi zararga ega Tovarlarning mavjud bo‘lmasligiga kafolat beradi.

13. Boshqa qoidalar

13.1. Ushbu Foydalanuvchilik kelishuvi va Ishonchli vakil bilan Foydalanuvchi, Sotuvchi va Foydalanuvchi o‘rtasidagi mazkur Foydalanuvchilik kelishuvini akseptlash bilan bog‘liq holda yuzaga keladigan barcha munosabatlar O‘zbekiston Respublikasining amaldagi Qonunchiligiga muvofiq tartibga solinadi va talqin etiladi.

13.2. Agar biron bir sababga ko‘ra mazkur Foydalanuvchilik kelishuvining shartlaridan birortasi haqiqiy emas yoki yuridik kuchga ega bo‘lmasa, bu uning qolgan shartlarining haqiqiyligiga yoki amal qilishiga ta’sir qilmaydi.

13.3. Ushbu Foydalanuvchilik kelishuvi noma’lum muddatga tuzilgan va ro‘yxatdan o‘tgan paytdan boshlab, Saytda ro‘yxatdan o‘tgan (akkaunt yaratgan) barcha Foydalanuvchilarga tegishli.

13.4. Sotuvchi va Ishonchli vakil Foydalanuvchi tomonidan akseptlangan mazkur Foydalanuvchilik kelishuvini bir tomonlama ravishda o‘zgartirish huquqiga ega, bu haqda Foydalanuvchini Saytda Foydalanuvchilik kelishuvining yangi tahrirdagi variantini joylashtirish orqali xabardor qiladi.

13.5. Foydalanuvchi tomonidan akseptlangan mazkur Foydalanuvchilik kelishuviga kiritilgan o‘zgartirishlar Saytda joylashtirish orqali Foydalanuvchilik kelishuvi yangi tahrirda e’lon qilingan sanadan boshlab kuchga kiradi.

13.6. Agar Foydalanuvchi yangi tahrirdagi Foydalanuvchilik kelishuvida ko‘rsatilgan shartlarga rozi bo‘lmasa, u mazkur Foydalanuvchilik kelishuvidan bir tomonlama chiqish huquqiga ega. Mazkur Foydalanuvchilik kelishuviga kiritilgan o‘zgartirishlar kuchga kirgandan keyin Servis orqali buyurtmalarni amalga oshirilishi fakti Foydalanuvchi kiritilgan o‘zgarishlarga rozi bo‘lganini anglatadi.

13.7. Foydalanuvchi tomonidan qabul qilingan mazkur Foydalanuvchilik kelishuvi bilan bog‘liq barcha kelishmovchiliklar va nizolar faqat muzokaralar yo‘li bilan hal qilinadi.

13.8. Muzokaralar orqali kelishuvga erishilmagan taqdirda, mazkur Oferta bo‘yicha yuzaga keladigan barcha tortishuvlar, kelishmovchiliklar, talablar va da’volar amaldagi protsessual Qonun hujjatlariga muvofiq, O‘zbekiston Respublikasi sudlarida hal qilinadi.

13.9. Foydalanuvchilik kelishuvi Saytda ro‘yxatdan o‘tishda Foydalanuvchi ma’lum bir sarlavha oldiga belgi qo‘ygan paytdan boshlab kuchga kiradi va Tomonlardan birining talabiga binoan bekor qilingan paytgacha amal qiladi. Ishonchli vakil va Sotuvchi o‘z xohishiga ko‘ra istalgan vaqtda Ofertani bekor qilish huquqini o‘zida saqlab qoladi. Oferta bekor qilingani to‘g‘risida Ishonchli vakil va Sotuvchi Saytda xabar e’lon qilish orqali Foydalanuvchilarga xabar berishadi. Xabar Saytda e’lon qilingan paytdan boshlab, agar e’lon qilinganidan keyin boshqa muddat qo‘shimcha ravishda belgilanmagan bo‘lsa, Oferta Ishonchli vakil tomonidan bekor qilingan hisoblanadi.

13.10. Oferta muayyan Foydalanuvchiga nisbatan bekor qilingan taqdirda, Foydalanuvchi tomonidan ko‘rsatilgan elektron pochta manziliga mazkur Foydalanuvchilik kelishuvining bekor qilinishi to‘g‘risida xabar qilinadi.

13.11. Mazkur Foydalanuvchilik kelishuvi rus va o‘zbek tillarida tuzilgan. Ofertaning rus va o‘zbek tillaridagi matnlari yoki ta’riflari orasida nomuvofiqliklar bo‘lgan taqdirda, rus tilidagi versiyasi ustunlik qiladi.