«ZAKAZ DELIVERY»
MCHJ CHEK MIJOZLARINING SHAXSIY MA’LUMOTLARIGA ISHLOV BERISH SIYOSATI

O‘zbekiston Respublikasi qonunchiligi bo‘yicha yuridik shaxs hisoblangan «ZAKAZ DELIVERY» Mas’uliyati cheklangan jamiyati shaklidagi Chet el korxonasining (ro‘yxat raqami: 830153, joylashgan manzili: 100029, Toshkent sh., Mirobod tumani, Chimkent ko‘chasi, 15-uy, 26) shaxsiy ma’lumotlarga ishlov berishga doir mazkur Siyosati (quyida – “Siyosat”) «ZAKAZ DELIVERY» MCHJ CHEK mijozlarining shaxsiy ma’lumotlariga ishlov berishda ularning huquq va erkinliklarini himoya qilinishini ta’minlash maqsadlarida 02.07.2019 yildagi 547-sonli “Shaxsga doir ma’lumotlar to‘g‘risida”gi O‘zbekiston Respublikasi Qonuniga (quyida – “Shaxsga doir ma’lumotlar to‘g‘risidagi qonun”) muvofiq ishlab chiqildi.

1-Bo‘lim. Asosiy tushunchalar

1.1. Mazkur Siyosat quyidagi tushunchalarni o‘z ichiga oladi:

1.1.1. Shaxsiy ma’lumotlar bazasining mulkdori (Mulkdor) – shaxsiy ma’lumotlar bazasiga egalik qilish, foydalanish va tasarruf qilish huquqiga ega bo‘lgan «ZAKAZ DELIVERY» Mas’uliyati cheklangan jamiyati shaklidagi Chet el korxonasi («ZAKAZ DELIVERY» MCHJ CHEK);

1.1.2. Shaxsiy ma’lumotlar bazasining operatori (Operator) – shaxsiy ma’lumotlarga ishlov beruvchi «ZAKAZ DELIVERY» MCHJ CHEK;

1.1.3. Shaxsiy ma’lumotlar – elektron, qog‘oz va (yoki) boshqa moddiy tashuvchida qayd etilgan muayyan jismoniy shaxsga tegishli bo‘lgan va uni identifikatsiya qilish imkoniyatini beruvchi axborot;

1.1.4. Shaxsiy ma’lumotlar subyekti – shaxsiy ma’lumotlar kimga tegishli bo‘lsa, o‘sha jismoniy shaxs;

1.1.5. Mijoz («ZAKAZ DELIVERY» MCHJ CHEK) – Saytda yoki Ilovada ro‘yxatdan o‘tgan shaxsiy ma’lumotlar subyekti.

1.1.6. Shaxsiy ma’lumotlarga ishlov berish – shaxsiy ma’lumotlarni to‘plash, bir tizimga solish, saqlash, o‘zgartirish, to‘ldirish, foydalanish, taqdim etish, tarqatish, berish, shaxssizlantirish va yo‘q qilish bo‘yicha bir harakatni yoki harakatlar majmuini amalga oshirish;

1.1.7. Sayt – Internet tarmog‘ida www.makro.zakaz.uz manzili bo‘yicha joylashga sayt.

1.1.8. Ilova - Android va IOS operatsion tizimlari tomonidan qo‘llanadigan Zakaz mobil ilovasi.

2-Bo‘lim. Umumiy qoidalar

2.1. Mazkur Siyosat shaxsiy ma’lumotlarga ishlov berish maqsadlarini belgilaydi hamda Operator tomonidan shunday ma’lumotlarga ishlov berish tartibini tartibga soladi.

2.2. Siyosat shartlari ma’lumotlariga Sayt va/yoki Ilova yordamida ishlov beriladigan Shaxsiy ma’lumotlar subyektlariga taalluqlidir.

2.3. Mazkur Siyosat Mulkdor tomonidan tasdiqlanadi va u Saytda/Ilovada chop etilgan kundan boshlab kuchga kiradi. Kuchga kirish sanasi mazkur Siyosat matnida ko‘rsatiladi.

2.4. Mulkdor bir tomonlama tartibda, mazkur Siyosat shartlari taalluqli bo‘lgan Shaxsiy ma’lumotlarning subyektlarini oldindan xabardor qilmasdan, Siyosatni yangi tahrirda tasdiqlash yo‘li bilan mazkur Siyosatga o‘zgarishlar va qo‘shimchalar kiritish huquqini o‘zida qoldiradi. Yangi tahrirdagi Siyosat, agar boshqasi yangi tahrirdagi Siyosatning o‘zida ko‘rsatilmagan bo‘lsa, Saytda/Ilovada chop etilgan kundan boshlab kuchga kiradi. Kuchga kirish sanasi yangi tahrirdagi Siyosat matnida ko‘rsatiladi.

2.5. Yangi tahrirdagi Siyosat shartlariga rozi bo‘lmagan taqdirda, Shaxsiy ma’lumotlar subyekti Siyosatning 9-Bo‘limiga muvofiq tegishli xabarnomani yuborish va Saytdan/Ilovadan foydalanishni to‘xtatish yo‘li bilan shaxsiy ma’lumotlarga ishlov berish uchun taqdim etilgan rozilikni chaqirtirib olish huquqiga ega. Siyosatga o‘zgarishlar kiritilganidan keyin Saytdan/Ilovadan foydalanishni davom ettirganlik fakti Shaxsiy ma’lumotlar subyektining qabul qilingan o‘zgarishlarga va/yoki qo‘shimchalarga hamda yangi tahrirdagi Siyosatda bayon etilgan shartlarda shaxsiy ma’lumotlarga ishlov berilishiga roziligini bildiradi.

3-Bo‘lim. Shaxsiy ma’lumotlarga ishlov berish maqsadlari. Operator tomonidan ishlov beriladigan shaxsiy ma’lumotlarning toifalari

3.1. Shaxsiy ma’lumotlar subyektlarining shaxsiy ma’lumotlariga ishlov berish Operator tomonidan Sayt yoki Ilova yordamida Mijozga xizmatlar taqdim etilishi munosabati bilan shartnomaviy majburiyatlarni bajarish maqsadida, mazkur Siyosatning 3.2-bandida ko‘rsatilgan boshqa maqsadlarda hamda O‘zbekiston Respublikasi Konstitutsiyasiga, qonunlarga va O‘zbekiston Respublikasining boshqa normativ-huquqiy hujjatlariga amal qilinishini ta’minlash maqsadida amalga oshiriladi.

3.2. Operator quyidagi maqsadlarda Shaxsiy ma’lumotlar toifalarining quyidagi ro‘yxatiga ishlov beradi:

Shaxsiy ma’lumotlarning toifalari Shaxsiy ma’lumotlarga ishlov berish maqsadlari
Ism (familiyasi, ismi, sharifi);
Mobil telefon raqami;
Joylashgan manzili;
Buyurtmani yetkazish manzili;
e-mail (elektron pochta manzili);
Tug‘ilgan sanasi;
Shaxsiy ma’lumotlar subyektini Saytda yoki Ilovada ro‘yxatdan o‘tkazish.
Mijoz bilan Sayt yoki Ilova yordamida axborot tizimi orqali shartnoma tuzish.
Mijozning Sayt yoki Ilova yordamida tovarlarni yetkazish bo‘yicha buyurtmalarini rasmiylashtirish va amalga oshirish.
Buyurtmalarni bajarganda Mijoz bilan kommunikatsiyalarni olib borish.
Mijozga Sayt va/yoki Ilovadan foydalanishga, Mijozning so‘rovlariga ishlov berishga taalluqli xabarlar, so‘rovlarni yuborish.
Marketing tadqiqotlarini o‘tkazish, Operator xizmatlariga iste’molchilik so‘rovini o‘rganish, yetkazib beriladigan tovarlarning alohida toifalariga bo‘lgan so‘rovni o‘rganish, statistikani shakllantirish va reklama kampaniyalarini optimallashtirish.
Siz o‘z xohishingizga ko‘ra, fuqarolik-huquqiy bitimlarni tuzish imkonini beradigan yoshga yetganingizni qo‘shimcha ravishda tasdiqlash uchun tug‘ilgan sanangizni ko‘rsatishingiz mumkin.
Mobil telefon raqami;
email (elektron pochta manzili).
Sayt va/yoki Ilova orqali sotiladigan tovarlar va xizmatlarni ilgari surish.
Shaxsiy ma’lumotlar subyektining roziligi mavjud bo‘lganida, Operator aktsiyalar yoki reklama xarakteridagi boshqa tadbirlar o‘tkazilishi haqida reklama tarqatmasini amalga oshirish huquqiga ega.

3.3. Operator qonunchilik tomonidan maxsus, biometrik va genetik ma’lumotlar sifatida belgilangan shaxsiy ma’lumotlar toifasiga ishlov bermaydi.

4-Bo‘lim. Shaxsiy ma’lumotlarga ishlov berishning huquqiy asoslari

4.1. Operator Shaxsiy ma’lumotlar subyektining roziligi asosida shaxsiy ma’lumotlarga ishlov beradi, ushbu rozilik Shaxsiy ma’lumotlar subyektining Saytda va/yoki Ilovada foydalanuvchi sifatida ro‘yxatdan o‘tish jarayonida taqdim etiladi. Rozilikni taqdim etishdan voz kechish oqibatlari mazkur Siyosatning 8-moddasi 8.4-bandida ko‘zda tutilgan. Shaxsiy ma’lumotlarni taqdim etishni rad etish hamda shunday ma’lumotlarga ishlov berishga rozilikni chaqirtirib olish Operator tomonidan Subyektga Ofertada ko‘zda tutilgan shartlarda xizmatlarning taqdim etilmasligini keltirib chiqaradi.

4.2. Quyidagilar shaxsiy ma’lumotlarga ishlov berishning huquqiy asoslari hisoblanadi:

4.2.1. 08.12.1992 yildagi 768-XII-sonli O‘zbekiston Respublikasi Konstitutsiyasi keyingi o‘zgarishlar va qo‘shimchalar bilan;

4.2.2. 12.12.1995 yildagi O‘zbekiston Respublikasining Fuqarolik kodeksi (І qism);

4.2.3. 29.08.1996 yildagi O‘zbekiston Respublikasining Fuqarolik kodeksi (ІІ qism);

4.2.4. 2.07.2019 yildagi O‘RQ-547-sonli “Shaxsga doir ma’lumotlar to‘g‘risida”gi O‘zbekiston Respublikasi Qonuni;

4.2.5. 22.05.2015 yildagi O‘RQ-385-sonli “Elektron tijorat to‘g‘risida”gi O‘zbekiston Respublikasi Qonuni;

4.2.6. 08.02.2020 yildagi “Shaxsga doir ma’lumotlar bazalarining davlat reestri to‘g‘risidagi nizomni tasdiqlash haqida” O‘zbekiston Respublikasi VMQ.

4.3. Shuningdek Operator qo‘llanadigan boshqa qonunosti normativ-huquqiy hujjatlar asosida ham shaxsiy ma’lumotlarga ishlov beradi.

4.4. Shu bilan birga, quyidagilar ham shaxsiy ma’lumotlarga ishlov berish uchun huquqiy asos hisoblanadi: «ZAKAZ DELIVERY» MCHJ CHEK ustavi, Shaxsiy ma’lumotlar subyektlarining o‘z shaxsiy ma’lumotlariga ishlov berishga taqdim etgan roziligi.

5-Bo‘lim. Shaxsiy ma’lumotlar subyektining huquqlari

5.1. Shaxsiy ma’lumotlar subyekti o‘zining shaxsiy ma’lumotlariga ishlov berish bilan bog‘liq quyidagi huquqlarga ega bo‘ladi:

5.1.1. Operatorda hamda uchinchi shaxsda o‘z shaxsiy ma’lumotlarining mavjudligini va ularning tarkibini bilish;

5.1.2. so‘rov bo‘yicha Operatordan shaxsiy ma’lumotlarga ishlov berilgani haqidagi axborotni olish;

5.1.3. so‘rov bo‘yicha Operatordan o‘z shaxsiy ma’lumotlaridan foydalanishni taqdim etish shartlari haqidagi axborotni olish;

5.1.4. o‘z shaxsiy ma’lumotlari borasida huquqlar va qonuniy manfaatlarni himoya qilish masalasida vakolatli davlat organi yoki sudga murojaat qilish;

5.1.5. o‘z shaxsiy ma’lumotlariga ishlov berilishiga rozilik berish va shunday rozilikni chaqirtirib olish;

5.1.6. reklama tarqatmasiga rozilik berish va shunday rozilikni chaqirtirib olish. Reklama tarqatmasiga rozilik Siyosatning 9-Bo‘limida ko‘rsatilgan manzilga yoki Operator e-mail ga ixtiyoriy shaklda tegishli xabarnomani yuborish yo‘li bilan yoki Saytda yoki Ilovada imkonli bo‘lgan boshqa usulda chaqirtirib olinishi mumkin;

5.1.7. Operatorga hamda uchinchi shaxsga o‘z shaxsiy ma’lumotlarini sha’siy ma’lumotlarning umumiy ochiq manbalarida tarqatishga rozilik berish;

5.1.8. Agar shaxsiy ma’lumotlar to‘liq bo‘lmasa, eskirgan, noaniq, noqonuniy olingan bo‘lsa yoki ishlov berish maqsadlari uchun zarur hisoblanmasa, Operatordan o‘z shaxsiy ma’lumotlariga ishlov berishni vaqtinchalik to‘xtatishini talab qilish.

5.2. Shaxsiy ma’lumotlar subyekti O‘zbekiston Respublikasining amaldagi qonunchiligida ko‘zda tutilgan boshqa huquqlarga ham ega.

6-Bo‘lim. Shaxsiy ma’lumotlar operatorining majburiyatlari

6.1. Shaxsiy ma’lumotlarga ishlov berishda Operator quyidagi majburiyatlarga ega bo‘ladi:

6.1.1. shaxsga doir ma’lumotlar to‘g‘risidagi qonun hujjatlariga amal qilish;

6.1.2. Subyekt so‘rovi bo‘yicha uning shaxsiy ma’lumotlariga ishlov berilishiga doir axborotni taqdim etish;

6.1.3. Operator tomonidan vazifalarni bajarish uchun zarur va yetarli bo‘lgan shaxsiy ma’lumotlar tarkibini tasdiqlash;

6.1.4. qonunchilikda ko‘zda tutilgan holatlarda Subyektdan uning shaxsiy ma’luomtlariga ishlov berilishiga rozilik olinganiga dalilni taqdim etish;

6.1.5. yangi ma’lumotlarning haqqoniyligi hujjatli tarzda tasdiqlanishi sharti bilan shaxsiy ma’lumotlarni o‘zgartirish va (yoki) to‘ldirish yoki shunday o‘zgarishlarni va (yoki) qo‘shimchalarni kiritish imkoni bo‘lmaganida ularni yo‘q qilish;

6.1.1. o‘z mulkida bo‘lgan va (yoki) ishlov berilayotgan shaxsiy ma’lumotlar bazalarini ro‘yxatdan o‘tkazish.

6.2. Operator O‘zbekiston Respublikasining shaxsga doir ma’lumotlarni himoya qilish sohasida amalda bo‘lgan qonunchiligida ko‘zda tutilgan boshqa vazifalarni bajarish majburiyatini ham o‘z zimmasiga oladi.

7-Bo‘lim. Shaxsiy ma’lumotlarga ishlov berish tartibi va shartlari

7.1. Shaxsiy ma’lumotlarga ishlov berish Saytda va / yoki Ilovada ro‘yxatdan o‘tganda taqdim etiladigan Shaxsiy ma’lumotlar subyektining roziligi bilan amalga oshiriladi.

7.2. Shaxsiy ma’lumotlarga ishlov berishda Operator shaxsiy ma’lumotlarni yig‘ish, qayd qilish, tartibga solish, saqlash, foydalanish, o‘zgartirish, to‘ldirish, berish, tarqatish, shaxssizlantirish, blokirovka qilish va yo‘q qilishni amalga oshiradi.

7.3. Shaxsiy ma’lumotlarga ishlov berish, shu jumladan avtomatlashtirilgan tarzda ishlov berish usuli bilan ham amalga oshiriladi. Bunday ishlov berish Shaxsiy ma’lumotlar subyektining roziligi bilan amalga oshiriladi.

7.4. Operator Shaxsiy ma’lumotlar subyektining roziligi asosida shaxsiy ma’lumotlarga ishlov berishni uchinchi shaxsga topshirish huquqiga ega. Shaxs tomonidan shaxsiy ma’lumotlarga ishlov berish tamoyillari va qoidalariga majburiy amal qilish (chto predusmotrenы zakonodatelstvom Respubliki Uzbekistan), mazkur Siyosat shartlariga amal qilish, shunday shaxsda shaxsiy ma’lumotlar maxfiyligiga amal qilish va shaxsiy ma’lumotlarga ishlov berganda ularning xavfsizligini ta’minlash majburiyatining mavjudligi, O‘zbekiston Respublikasi qonunchiligiga muvofiq ishlov beriladigan shaxsiy ma’lumotlarni himoya qilishga qo‘yiladigan talablarga amal qilish hamda shaxs topshiriqni bajarayotganda shaxsiy ma’lumotlar bilan amalga oshiradigan harakatlar (amaliyotlar)i ro‘yxatining mavjudligi shunday topshiriq sharti hisoblanadi.

7.5. Shaxsiy ma’lumotlarga ishlov berishda Operator shaxsiy ma’lumotlarning noqonuniy yoki tasodifiy foydalanilishidan hamda shaxsiy ma’lumotlarga nisbatan amalga oshiriladigan boshqa g‘ayriqonuniy harakatlardan xavfsizligini, shaxsiy ma’lumotlarning yo‘q qilinishi, o‘zgartirilishi, blokirovka qilinishi, nusxa ko‘chirilishi, taqdim etilishi, tarqatilishini ta’minlash bo‘yicha tashkiliy, texnik va huquqiy choralarni ko‘radi.

7.6. Subyekt tomonidan Shaxsiy ma’lumotlarga ishlov berishga rozilikni chaqirtirib olish Operatorga taqdim etilgunga qadar Operator shaxsiy ma’lumotlarga ishlov beradi.

7.7. Shaxsiy ma’lumotlarni vakolatli davlat hokimiyati organlariga berish O‘zbekiston Respublikasi qonunchiligi talablariga muvofiq amalga oshiriladi.

8-Bo‘lim. Shaxsiy ma’lumotlarni o‘zgartirish, qo‘shimcha kiritish, o‘chirish va yo‘q qilish

8.1. Operator tomonidan Shaxsiy ma’lumotlarga o‘zgartirishlar va qo‘shimchalar kiritish Operatorning elektron yoki pochta manziliga yuborilgan so‘rovga ishlov berilgan paytdan boshlab, subyektning so‘rovi asosida 5 (besh) ish kunidan kechiktirmay amalga oshiriladi.

8.2. Haqiqatga to‘g‘ri kelmaydigan Shaxsiy ma’lumotlarga o‘zgarishlar va qo‘shimchalar kiritish shunday nomuvofiqlik aniqlangan paytdan boshlab zudlik bilan amalga oshiriladi. Shaxsiy ma’lumotlar subyekti tomonidan taqdim etilgan noto‘g‘ri ma’lumotlar uchun Operator javobgar bo‘lmaydi.

8.3. Shaxsiy ma’lumotlarni yo‘q qilish – bu uning natijasida shaxsiy ma’lumotlarni qayta tiklashning iloji bo‘lmaydigan harakatlar hisoblanadi.

8.4. Shaxsiy ma’lumotlar Operator tomonidan, shuningdek uchinchi shaxs tomonidan quyidagi hollarda yo‘q qilinishi mumkin:

8.4.1. shaxsiy ma’lumotlarga ishlov berish maqsadiga erishilgandan so‘ng;

8.4.2. agar Shaxsiy ma’lumotlarga ishlov berishga Subyektning roziligi chaqirtirilgan bo‘lsa;

8.4.3. Subyektning roziligi bilan belgilangan shaxsiy ma’lumotlarga ishlov berish muddati tugaganidan keyin;

8.4.4. sud qarori qonuniy kuchga kirganidan so‘ng.

8.5. Subyekt mazkur rozilik qanday shaklda berilgan bo‘lsa, shunday shaklda yoki yozma shaklda, shu jumladan elektron hujjat shaklida chaqirtirib oladi.

9-Bo‘lim. Shaxsiy ma’lumotlar subyektlarining so‘rovlari, murojaatlari va xabarnomalarini ko‘rib chiqish tartibi

9.1. Shaxsiy ma’lumotlar subyektlari, ularning qonuniy vakillari "ZAKAZ DELIVERY" MCHJ CHEKga so‘rovlar, murojaatlar va xabarnomalar yuborishlari mumkin:

9.1.1. yozma ravishda ushbu manzil bo‘yicha: 100115, O‘zbekiston Respublikasi, Toshkent sh. Chilonzor, 83-uy;

9.1.2. elektron shaklda e-mail ga: support@zakaz.uz.

9.2. So‘rovlar yoki murojaatlarga javoblar O‘zbekiston Respublikasining amaldagi qonunchiligida belgilangan shaklda va muddatlarda yuboriladi.

10-Bo‘lim. Yakuniy qoidalar

10.1. Mazkur Siyosatda ko‘zda tutilmagan hollarda, Operator va Shaxsiy ma’lumotlar subyekti O‘zbekiston Respublikasining amaldagi qonunchiligi normalariga tayanadi.

10.2. Shaxsiy ma’lumotlarga ishlov berish va himoya qilishni tartibga soluvchi qoidalarni buzganlikda aybdor bo‘lgan Operator xodimlari O‘zbekiston Respublikasining amaldagi qonunchiligida belgilangan tartibda moddiy, intizomiy, ma’muriy, fuqarolik yoki jinoiy javobgarlikka tortiladilar.

10.3. Shaxsiy ma’lumotlarni saqlash, shaxsiy ma’lumotlarga ishlov berish maqsadlari talab qilganidan uzoqroq muddat amalga oshirilmasligi kerak.